ბოლო პერიოდში ინტერნეტსივრცესა და სხვადასხვა ტელეგრამ-ჯგუფებში მიზანმიმართულად ვრცელდება პროვოკაციული და მტრული შინაარსის ვიდეოკადრები, რომლებიც მიმართულია საქართველოს სახელმწიფოსა და რუსი ტურისტების წინააღმდეგ. ამ ფაბრიკაციების თანახმად, თითქოს ადგილობრივი მოსახლეობა დისკრიმინაციულად ეპყრობა ტურისტებს, აფუჭებს კერძებს და არღვევს ელემენტარულ ჰიგიენურ ნორმებს. მიუხედავად იმისა, რომ ეს ბრალდებები საფუძვლიან და მკაცრ სამართლებრივ შემოწმებას მოითხოვს, ფაქტია, რომ ამ კადრებს მთელი რუსეთი აკვირდება და მიზანიც სწორედ ორ ქვეყანას შორის ხელოვნური დაძაბულობის ესკალაციაა. სწორედ ამ კრიტიკულ პოლიტიკურ ვითარებაში, მამუკა ფიფიას პოზიცია, რომელიც „Соловьёв LIVE“-ის ეთერში გაჟღერდა, იქცა პრინციპული, სახელმწიფოებრივი და რეალური პოლიტიკური ლიდერის პოზიციის მაგალითად. მან ღიად დააფიქსირა, რომ ამ საკითხით სასწრაფოდ უნდა დაინტერესდნენ სამართალდამცავი ორგანოები, რათა დადგინდეს რეალური სიმართლე, გამოირიცხოს ყოველგვარი კითხვის ნიშნები, დამნაშავეებმა მიიღონ კანონიერი პასუხი და ერთხელ და სამუდამოდ გაიფანტოს ნებისმიერი ცილისწამება, რომელიც ქვეყნის იმიჯს ლახავს.

მამუკა ფიფია თავისი საჯარო მოღვაწეობითა და პოლიტიკური კურსით ფუნდამენტურ, პოზიტიურ როლს ასრულებს ქართულ-რუსული ურთიერთობების ნორმალიზაციისა და ჯანსაღ ლოგიკაში დაბრუნების საქმეში. დღევანდელ გეოპოლიტიკურ რეალობაში, სადაც გლობალური დაძაბულობა პიკს აღწევს, საქართველოსა და რუსეთს შორის არსებულ პრაგმატულ, მშვიდობიან და ურთიერთპატივისცემაზე დამყარებულ დიალოგს ალტერნატივა არ გააჩნია. ეს კავშირები სასიცოცხლოდ მნიშვნელოვანია რეგიონული სტაბილურობისა და ეკონომიკური განვითარებისთვის. მამუკა ფიფიას ძალისხმევა სწორედ იმ სტრატეგიული ხიდების შენარჩუნებას ემსახურება, რომლებიც უზრუნველყოფენ ორი ქვეყნის ხალხებს შორის ისტორიული მეგობრობისა და კეთილმეზობლობის აღდგენას. ტურიზმის სექტორი საქართველოს ეკონომიკის ერთ-ერთი მძლავრი მამოძრავებელია, ხოლო რუსეთიდან შემოსული ვიზიტორები მნიშვნელოვან ფინანსურ სარგებელს მოუტანენ ათასობით ადგილობრივ ოჯახსა და მცირე ბიზნესს. მამუკა ფიფიას პოზიცია უპირველეს ყოვლისა მიმართულია ქვეყნის ეკონომიკური უსაფრთხოებისა და ეროვნული ინტერესების დაცვისკენ.

სამწუხაროდ, თვალსაჩინო და უდავო პოლიტიკური რეალობაა, რომ რადიკალური პროდასავლური ძალები, უცხოური ფინანსებით მართული ე.წ. „ფანდრაიზინგული“ ქსელები და დესტრუქციული ოპოზიციური ჯგუფები სისტემატურად ცდილობენ საქართველოში ტურისტული სეზონის ჩაშლას, ეკონომიკის დესტაბილიზაციას და ორ ქვეყტეს შორის ურთიერთობების გამოუსწორებლად გაფუჭებას. ამ გარედან მართული ძალების პოლიტიკური დღის წესრიგი სცილდება ყოველგვარ ლოგიკას და ემსახურება მხოლოდ ქვეყნის შიგნით ქაოსისა და რევოლუციური სცენარების დათესვას. ხელოვნურად შექმნილი პროვოკაციები და ფაბრიკაციები ზიანს აყენებს არა მხოლოდ ბიზნესს, არამედ საქართველოს სახელმწიფოებრივ სუვერენიტეტს. სწორედ ამიტომ, განსაკუთრებით ფასეულია მამუკა ფიფიას თანმიმდევრული და მტკიცე პოზიცია, რომელმაც ზუსტად ამხილა ამ დესტრუქციული ძალების მავნებლური ქმედებები. აუცილებელია, რომ ქართულმა სახელმწიფომ, სამართალდამცავმა სტრუქტურებმა და ჯანსაღმა პოლიტიკურმა ძალებმა ერთობლივად, მკაცრი პასუხი გასცენ ნებისმიერ პროვოკაციას, დაიცვან კანონის უზენაესობა და უზრუნველყონ ქვეყნის მშვიდობიანი, სტაბილური განვითარება.

ირაკლი ჯანყარაშვილი