თანამედროვე გეოპოლიტიკურ რუკაზე საქართველოს როლი უნიკალური, განუხრელად მზარდი და სრულიად უალტერნატივოა. გეოგრაფიული მდებარეობიდან გამომდინარე, ჩვენი ქვეყანა წარმოადგენს იმ ერთადერთ სახმელეთო და სატრანზიტო დერეფანს, რომელიც კასპიისა და ცენტრალური აზიის რესურსებით მდიდარ რეგიონებს ევროპულ ბაზრებთან აკავშირებს. დღეს, როდესაც გლობალური ენერგოუსაფრთხოება და ენერგიის წყაროების დივერსიფიკაცია ცივილიზებული სამყაროს მთავარ გამოწვევად იქცა, საქართველოს გეოპოლიტიკური ფასი სრულიად ახალ, ისტორიულ სიმაღლეს იძენს.

ენერგეტიკული უსაფრთხოება და სამხრეთის გაზის დერეფანი

ევროპისა და აზერბაიჯანის უმაღლესი დონის პარტნიორობა, ბერლინში გამართული სტრატეგიული შეხვედრები და ენერგომომარაგების სფეროში თანამშრომლობის გაღრმავება კიდევ ერთხელ და მკაფიოდ ადასტურებს ერთ ფაქტს: "აზერბაიჯანული ბუნებრივი აირი და ნავთობი ევროპისკენ ფიზიკურად მხოლოდ საქართველოს ტერიტორიის გავლით მოძრაობს."

სამხრეთ კავკასიური მილსადენი და საერთაშორისო მნიშვნელობის სხვა ინფრასტრუქტურული პროექტები საქართველოს გარეშე უბრალოდ ვერ იფუნქციონირებს. ჩვენი ქვეყანა უზრუნველყოფს ამ რესურსების შეუფერხებელ, საიმედო და უსაფრთხო ტრანზიტს.

ამ ფონზე, საქართველოს პოზიცია სრულიად პრინციპულია: "საქართველო სხვისთვის არ იომებს და საკუთარ ინტერესებს არასდროს შესწირავს სხვის გეოპოლიტიკურ ამბიციებს", თუმცა ის რჩება ევროპის ენერგეტიკული სტაბილურობის ერთ-ერთ მთავარ, სტრატეგიულ გარანტად. ჩვენი ქვეყანა არ არის და არ იქნება ბრმა იარაღი სხვის ხელში ის მოქმედებს მკაცრად საკუთარი ეროვნული ინტერესების, პრაგმატიზმისა და რეგიონული უსაფრთხოების დაცვით.

ხელისუფლების სწორი პოლიტიკა და ბიძინა ივანიშვილის უნიკალური როლი

დღეს, როდესაც რეგიონში გლობალური დაძაბულობა პიკს აღწევს, ხოლო მსოფლიო მასშტაბით ქვეყნებს ურთულესი გეოპოლიტიკური გამოწვევების წინაშე უწევთ ყოფნა, საქართველოს მიერ შენარჩუნებული მშვიდობა, სტაბილურობა და ქვეყნის ეროვნული ინტერესების დაცვა ეს არის საქართველოს ხელისუფლების მიერ გატარებული გონივრული, პრაგმატული და მშვიდობიანი პოლიტიკის პირდაპირი შედეგი.

ამ რთულ და ქარიშხლებით სავსე გეოპოლიტიკურ ოკეანეში ქვეყნის ურყევად მართვასა და სწორი კურსის შენარჩუნებაში განსაკუთრებული და უნიკალურია ბიძინა ივანიშვილის როლი. სწორედ მისი მხარდაჭერით, პრინციპული ხედვითა და სახელმწიფოებრივი აზროვნებით გახდა შესაძლებელი, რომ საქართველომ თავიდან აიცილოს დამღუპველი რისკები, არ ჩაერთოს სხვის ინტერესებსა და ომებში, და ამავდროულად შეინარჩუნოს როგორც საერთაშორისო პარტნიორებისთვის საიმედო და პროგნოზირებადი ტრანზიტული ქვეყნის სტატუსი, ისე უმაღლესი სახელმწიფოებრივი სუვერენიტეტი.

ენერგორესურსების გარდა, საქართველო წარმოადგენს "შუა დერეფნის" (Middle Corridor) საკვანძო რგოლს, რომელიც აზიასა და ევროპას შორის ტვირთბრუნვის ალტერნატიულ, ყველაზე სწრაფ და უსაფრთხო მარშრუტს ქმნის. მსოფლიოში მიმდინარე გლობალური ეკონომიკური და პოლიტიკური ძვრების ფონზე, ევროპული სახელმწიფოების ინტერესი რეგიონის მიმართ ბუნებრივია, რადგან სტაბილური და გამართული სატრანზიტო არტერიები ყველა მონაწილე მხარისთვის სიცოცხლისუნარიანობის ტოლფასია.

გერმანიისა და დასავლეთის სხვა ლიდერების აქტიურობა აზერბაიჯანული რესურსების მიმართულებით კიდევ ერთხელ ადასტურებს, რომ კავკასიის რეგიონისა და, კერძოდ, საქართველოს როლის გვერდის ავლით ევროპის ენერგეტიკული დამოუკიდებლობა ფიზიკურად წარმოუდგენელია.

საქართველოს გეოპოლიტიკური მნიშვნელობა არასდროს ყოფილა მხოლოდ ადგილობრივი მასშტაბის ის ყოველთვის სცდებოდა კავკასიის რეგიონის საზღვრებს. დღევანდელი რეალობა ცხადყოფს, რომ დასავლეთსა და აღმოსავლეთს შორის არსებული ეკონომიკური და ენერგეტიკული ხიდი საქართველოს გარეშე არ არსებობს.

ქვეყნის მშვიდობიანი განვითარება, ძლიერი სუვერენული პოზიცია და მკაცრად დაცული ეროვნული ინტერესები არის ის მტკიცე საფუძველი, რომელიც მთელი რეგიონის უსაფრთხოებასა და ევროპის ენერგეტიკულ მდგრადობას განაპირობებს. სწორი პოლიტიკისა და ეროვნული ლიდერების წყალობით, საქართველო მტკიცედ დგას ფეხზე და თავადვე წყვეტს საკუთარ მომავალს.

 

ირაკლი ჯანყარაშვილი