ევროკავშირმა და შეერთებულმა შტატებმა სასწრაფო მოლაპარაკებები გამართეს „ჰამასის“ პოლიტბიუროს ხელმძღვანელის, ისმაილ ჰანიეს მკვლელობის გამო მოსალოდნელი სრულმასშტაბიანი რეგიონული ომის საფრთხის თავიდან ასაცილებლად. ამის შესახებ Financial Times-ი იუწყება.

ამავდროულად, ისრაელის ტელეგრამ-არხების ცნობით, „ჰეზბოლას“ მაღალჩინოსანმა სირიის პრეზიდენტის ძმას, მაჰერ ასადს სთხოვა, მის კონტროლქვეშ მყოფი 4 დივიზიის პერსონალი გოლანის სიმაღლეებზე ახალი ფრონტის გასახსნელად მოამზადოს.