„პარიზის 2024 წლის ოლიმპიადამ დაამყარა რეკორდი ღიად ლგბტქ+ სპორტსმენების რაოდენობით, მაგრამ ზოგიერთი ამბობს, რომ პროგრესი ჯერ არ არის დასრულებული“, - ამ სათაურით სტატიას „ასოშიეთიდ პრესი“ აქვეყნებს.

 

როგორც სტატიაში წერია, Outsports-ის (ვებგვერდი, რომელიც ღიად გეი ოლიმპიელების მონაცემთა ბაზას აგროვებს) მონაცემებით, პარიზის 2024 წლის ოლიმპიადაზე 193 ღიად ლგბტქ+ სპორტსმენი მონაწილეობს.

  

Outsports-ის თანადამფუძნებელმა, ჯიმ ბუზინსკიმ თქვა, რომ 2000 წელს სიდნეის ოლიმპიადაზე მხოლოდ 5 სპორტსმენი დაითვალეს, რომლებიც ღიად ლგბტქ+ იყვნენ.  

 

„უფრო და უფრო მეტი ადამიანი „ქამინგ-აუთდება“. მათ ესმით, რომ მნიშვნელოვანია ვიყოთ ხილვადი, რადგან წარმომადგენლობის მისაღწევად სხვა გზა არ არსებობს“, - თქვა ბუზინსკიმ.