„ისრაელს საკუთარი თავის დაცვის უფლება აქვს და იმას, თუ როგორ აკეთებს ამას, მნიშვნელობა აქვს. ის, რაც ღაზაში ბოლო ცხრა თვის განმავლობაში მოხდა, გამანადგურებელია. როგორც ახლა პრემიერ-მინისტრ ნეთანიაჰუს ვუთხარი, ამ შეთანხმების მიღწევის დრო დადგა. ასე რომ, ყველას, ვინც ცეცხლის შეწყვეტას ითხოვს და მშვიდობისკენ ისწრაფვის, გხედავთ და გისმენთ“, - განაცხადა ჰარისმა ნეთანიაჰუსთან შეხვედრის შემდეგ. 

მისივე თქმით, ისრაელის პრემიერთან შეხვედრა „გულწრფელი და კონსტრუქციული“ იყო და აღნიშნა, რომ ჯო ბაიდენის ადმინისტრაცია ღაზადან ამერიკელი მძევლების სახლში დასაბრუნებლად მუშაობს.