შეერთებულმა შტატებმა განაახლა მონაცემები ბირთვული არსენალის შესახებ, რაც ასახავს აქტიური ბირთვული ქობინების რაოდენობას. 2023 წლის სექტემბრის მონაცემებით, აშშ-ს სტრატეგიულ ძალებს ჰქონდათ 3748 ქობინი. ამის შესახებ ინფორმაციას ბირთვული უსაფრთხოების ეროვნული სააგენტო (NNSA) ავრცელებს.

 

 „შეერთებულ შტატებს, 2023 წლის სექტემბრის მდგომარეობით, 3748 ბირთვული ქობინი ჰქონდა ხელმისაწვდომი სტრატეგიული ძალებისთვის“, - ნათქვამია სააგენტოს მოხსენებაში. ეს რიცხვი წინა წლებთან შედარებით მნიშვნელოვანი შემცირებაა.

 

 NNSA-ს მონაცემებით, 1994 წლიდან 2023 წლამდე შეერთებულმა შტატებმა 12088 ბირთვული ქობინი დაშალა. ამჟამად 2000-მდე ქობინი ელოდება თავის რიგს დემონტაჟისთვის.

 

 მანამდე გავრცელდა ინფორმაცია, რომ შეერთებულმა შტატებმა დაიწყო ბირთვული პოტენციალის გაზრდა. რუსეთის ფედერაციის საგარეო საქმეთა მინისტრის მოადგილის სერგეი რიაბკოვის განცხადებით, რუსეთი მზად უნდა იყოს ნებისმიერი სცენარისთვის. მან ასევე აღნიშნა, რომ ვაშინგტონის ქმედებები მიუთითებს იმაზე, რომ შეერთებული შტატები B-52 მძიმე ბომბდამშენებს აწარმოებს.

შემოწირულობა PUBLICIST.GE - პლათფორმისთვის: საქართველოს ბანკი GE91BG0000000901956000