სი ძინ პინი ორბანს ხვდება: ჩინეთსა და ევროპას შორის გეოპოლიტიკური კონფლიქტები არ არსებობს

ორბანი ჩინეთ-ევროპულ ურთიერთობებს თანამშრომლობის გზაზე დააბრუნებს

 

უნგრეთი, ევროკავშირის საბჭოს თავმჯდომარეობის პერიოდში, დაეხმარება ჩინეთ-ევროპული ურთიერთობების დაბრუნებას სტაბილური თანამშრომლობის გზაზე.

მსგავსი სათაურებით ქვეყნდება სტატიები ჩუნურ და უნგრულ მედიაში.

 

8 ივლისს ჩინეთის პრეზიდენტი სი ძინპინი პეკინში, დიაოიუტაის სახელმწიფო რეზიდენციაში უნგრეთის პრემიერ-მინისტრს ვიქტორ ორბანს უმასპინძლა.

 

მანამდე კი ორი თვის წინ ჩინეთის პრეზიდენტი სი წარმატებით ეწვია სახელმწიფო ვიზიტით უნგრეთს. ქვეყნებმა განაცხადეს ჩინეთ-უნგრეთის ურთიერთობების ყოვლისმომცველ სტრატეგიულ პარტნიორობამდე ამაღლების შესახებ.

 

CPC-ის მე-20 ცენტრალური კომიტეტის მესამე პლენუმი მომავალ კვირას პეკინში გაიმართება და ჩინეთი გააგრძელებს ყოვლისმომცველი განვითარებისა და გახსნის რეფორმების ხელშეწყობის ფანჯარას. 

ეს ახალ შესაძლებლობებს მისცემს და ბიძგს მისცემს ჩინეთ-უნგრეთის თანამშრომლობას.  

მხარეებმა უნდა შეინარჩუნონ მაღალი დონის ურთიერთობები, გააღრმავონ პოლიტიკური ნდობა, მჭიდროდ ითანამშრომლონ სხვადასხვა სფეროში და ერთობლივად ხელი შეუწყონ „ერთი გზა ერთი სარტყელის“ პროექტს.

 

ჩინეთის პრეზიდენტმა მიულოცა ორბანს ევროკავშირის თავმჯდომარეობა.  

ჩინეთის ლიდერმა ხაზგასმით აღნიშნა, რომ ჩინეთსა და ევროპას შორის არ არსებობს გეოპოლიტიკური წინააღმდეგობები ან ინტერესთა კონფლიქტი. ჩინეთსა და ევროკავშირს შორის ურთიერთობა სტრატეგიული მნიშვნელობისაა და გავლენას ახდენს მთელ მსოფლიოში. ამიტომ მათ უნდა შეინარჩუნონ სტაბილური განვითარება და ერთობლივად გადაწყვიტონ გლობალური პრობლემები. რადგან მომავალ წელს აღინიშნება ჩინეთსა და ევროკავშირს შორის დიპლომატიური ურთიერთობების დამყარების 50 წლისთავი, ორივე მხარემ ხელი უნდა შეუწყოს ღია საერთაშორისო თანამშრომლობას და წვლილი შეიტანოს მსოფლიო მშვიდობის, სტაბილურობისა და განვითარების გაძლიერებაში.

 მინდა მჯეროდეს, რომ უნგრეთს შეუძლია დაეხმაროს ჩინეთ-ევროპული ურთიერთობების დაბრუნებას სტაბილური და ორმხრივად მომგებიანი თანამშრომლობის გზაზე.

 

ირაკლი ჯანყარაშვილი