თურქეთის პრეზიდენტი, რეჯეფ თაიფ ერდოღანი უახლოეს დღეებში ასტანაში რუს კოლეგა ვლადიმერ პუტინთან შეხვედრას გეგმავს, - ამის შესახებ თურქეთის საგარეო საქმეთა მინისტრმა, ჰაკან ფიდანმა თურქულ მედიასთან ინტერვიუში განაცხადა. 

მანამდე, რუსეთის პრეზიდენტის თანაშემწემ, იური უშაკოვმა განაცხადა, რომ მოსკოვი იმედოვნებს, ვლადიმერ პუტინი და რეჯეფ თაიფ ერდოღანი შეძლებენ შეხვედრის გამართვას შანხაის თანამშრომლობის ორგანიზაციის სამიტის ფარგლებში, რომელიც 3-4 ივლისს ასტანაში გაიმართება.