მოსკოვის მიერ მასობრივი განადგურების იარაღის გამოყენებას სერიოზული შედეგები მოჰყვება, ნათქვამია G7-ის ქვეყნების ლიდერების განცხადებაში.

 „კიდევ ერთხელ ხაზს ვუსვამთ, რომ რუსეთის მიერ ქიმიური, ბიოლოგიური, რადიოლოგიური ან ბირთვული იარაღის ნებისმიერი გამოყენება სერიოზულ შედეგებს გამოიწვევს“, - ნათქვამია დოკუმენტში.

 რუსეთის პრეზიდენტმა ვლადიმერ პუტინმა 7 ივნისს განაცხადა, რომ მოსკოვი, მისი დოქტრინის თანახმად, „ბირთვულ იარაღს იყენებს მხოლოდ გამონაკლის შემთხვევებში, რომლებიც არ მომხდარა“.