აშშ-ს ყოფილმა პრეზიდენტმა ბირთვულ იარაღს უფრო დიდი საფრთხე უწოდა, ვიდრე კლიმატის ცვლილება. დონალდ ტრამპმა განაცხადა, რომ ბირთვულ იარაღს კაცობრიობისთვის ყველაზე დიდ საფრთხედ მიიჩნევს. Fox News-თან ინტერვიუში ტრამპმა გაიხსენა, რომ ამერიკის ამჟამინდელმა ლიდერმა ჯო ბაიდენმა თავის ერთ-ერთ გამოსვლაში კლიმატის ცვლილებას უწოდა „ყველაზე დიდი ეგზისტენციალური საფრთხე“.

 „ამავდროულად, ჩვენ გვყავს ეს გიჟები ბირთვული იარაღით. მათ შეუძლიათ ზიანი მიაყენონ, რაზეც არც კი ვისაუბრებ. <...> ეს იქნება განადგურება. ეს არის რეალური საფრთხე“, - თქვა ტრამპმა. მან არ დააკონკრეტა, ვის გულისხმობდა გიჟებში.