მედიის ინფორმაციით, თავდასხმა მადრიდის ცენტრში იმ ქუჩაზე განხორციელდა, სადაც სერბეთის ელჩი ცხოვრობს. თავდამსხმელის საუბრიდან გამომდინარე, თვითმხილველები ვარაუდობენ, რომ ის ალბანური წარმოშობისაა. ამასთან, ჩვენებაში თვითმხილველები ამბობენ, რომ მამაკაცი ირენა სარაკს მიუახლოვდა, რომელიც ტელეფონზე სერბულად საუბრობდა, ჰკითხა მას, იყო თუ არა სერბეთიდან, შემდეგ ზურგში ფეხი დაარტყა და გაიქცა. რამდენიმე მოწმემ უშედეგოდ სცადა თავდამსხმელის დაჭერა. პოლიცია მომხდართან დაკავშირებით გამოძიებას აწარმოებს.

შემთხვევა დაგმო სერბეთის საგარეო საქმეთა მინისტრმა, მარკო ჯურიჩმა და ინციდენტის სრულყოფილად გამოძიებისკენ და დამნაშავისთვის პასუხისმგებლობის დაკისრებისკენ მოუწოდა.