კერძოდ, აშშ ამზადებს ეკონომიკურ და უსაფრთხოების დახმარების პაკეტს გაბონისთვის, რათა ხელი შეუშალოს ჩინეთს სამხედრო ინფრასტრუქტურის მოწყობას სტრატეგიულად განლაგებულ ცენტრალური აფრიკის ქვეყანაში.

 

აშშ-გაბონის პოტენციური შეთანხმება მოიცავს გაბონის სპეცრაზმის მომზადებას და 5 მილიონი დოლარის დაფინანსებას ქვეყნის დემოკრატიული ტრანსფორმაციისთვის. 

 

აშშ-მა ეს ნაბიჯი მას შემდეგ გადადგა, რაც ჩინეთი შეეცადა გაბონში დაეარსებინა სამხედრო სასწავლო ობიექტი, რომელიც აშშ-ს ოფიციალური პირების აზრით, შეიძლება გახდეს მუდმივი ბაზის წინამორბედი. აშშ ინარჩუნებს სამხედრო ობიექტების გაფართოებულ ქსელს მთელს მსოფლიოში - მათ შორის ჩინეთის შემოგარენში, თუმცა ნებისმიერ ჩინურ ბაზას ატლანტის ოკეანეში განიხილავს, როგორც წითელ ხაზს თავისი ეროვნული უსაფრთხოებისთვის. 

 

გაბონისთვის განკუთვნილი უსაფრთხოების პაკეტი, რომლის მზადება ჯერჯერობით არ არის დასრულებული, გამოქვეყნდება აშშ-ში გაბონის დროებითი პრეზიდენტის ბრის კლოტერ ოლიგუი ნგემას ვიზიტის დროს, რომელიც სექტემბრის ბოლოს ან ოქტომბრის დასაწყისში გაიმართება.

 

აშშ-ს დახმარება გაბონისთვის, ასევე მოიცავს რადარს, რომელიც ხელს შეუწყობს ადგილობრივ ძალოვან უწყებებს განახორციელოს უკანონო თევზჭერის მონიტორინგი, ასევე პარტნიორობის გაფართოება დასავლეთ ვირჯინიის ეროვნულ გვარდიასთან და დახმარებას გაბონის ეროვნულ პარკების კონსერვაციაში. 

 

აშშ-ში იმედოვნებენ, რომ უსაფრთხოებისა და ეკონომიკურ სფეროში დახმარებები, გაბონისთვის იქნება მნიშვნელოვანი სარგებლის მომტანი ქვეყნის ეროვნული ინტერესებისთვის, რაც ამავდროულად, ხელს შეუწყობს ჩინეთის გავლენების და ამბიციების შეკავებას ატლანტის ოკეანეში.