2018 წელს მაკრონმა შესთავაზა დუროვს Telegram-ის შტაბ-ბინა პარიზში გადაეტანა. ერთი წლით ადრე საფრანგეთისა და არაბეთის გაერთიანებულ საემიროებში სადაზვერვო სამსახურებმა გატეხეს ბიზნესმენის ტელეფონი - The Wall Street Journal

 WSJ-ის გამოცემის ცნობით, 2018 წელს პაველ დუროვმა საფრანგეთის პრეზიდენტთან ერთად ისადილა. მაკრონმა არა მხოლოდ შესთავაზა დუროვს Telegram-ის ოფისის პარიზში გადატანა, არამედ განიხილა მისთვის საფრანგეთის მოქალაქეობის მინიჭების შესაძლებლობა (დუროვმა ის საბოლოოდ მიიღო 2021 წელს, პროცედურის საშუალებით, რომელიც ძალზე იშვიათად გამოიყენება). Telegram-ის დამფუძნებელმა უარი თქვა. 

 ამ შეხვედრამდე ერთი წლით ადრე, როგორც WSJ წერს, საფრანგეთისა და არაბეთის გაერთიანებული საემიროების სადაზვერვო სამსახურებმა ერთობლივი ოპერაციის დროს დუროვის iPhone გატეხეს. გამოცემის თანახმად, დაზვერვის სამსახურები უკიდურესად შეშფოთებულნი იყვნენ იმით, რომ ისლამური სახელმწიფო იყენებდა დეპეშებს ბოევიკების დასაკომპლექტებლად და ტერორისტული თავდასხმების დასაგეგმად.