აშშ მზადაა ახლო აღმოსავლეთში ირანის მხრიდან შესაძლო სერიოზული თავდასხმებისთვის, – ამის შესახებ თეთრი სახლის ეროვნული უსაფრთხოების სპიკერმა, ჯონ კირბიმ განაცხადა.

„ჩვენ ვიზიარებთ იმავე შეშფოთებასა და მოლოდინებს, რაც ჩვენს ისრაელელ კოლეგებს აქვთ პოტენციურ ვადებთან დაკავშირებით. ეს შესაძლოა, იყოს ამ კვირაში. ჩვენ მზად უნდა ვიყოთ, რომ ეს შესაძლოა, სერიოზული თავდასხმები იყოს. ჩვენ ცხადია, არ გვინდა, რომ ისრაელს მოუწიოს თავდაცვა მორიგი თავდასხმისგან, როგორც ეს გააკეთეს აპრილში, მაგრამ, თუ ეს ასე მოხდა, ჩვენ გავაგრძელებთ მათ დახმარებას თავის დაცვაში“, – განაცხადა კირბიმ.