დიდ ბრიტანეთში მიმდინარე არეულობების დროს დაკავებულთა რიცხვმა 400-ს მიაღწია. როგორც „ბიბისი“ წერს, მათგან 100-ს ბრალი ფორმალურად უკვე წაუყენეს. 

6 აგვისტოს, საღამოს არეულობა იყო ბელფასტში, ბრისტოლში, დარლინგტონსა და პლიმუტში.

დიდი ბრიტანეთის ქალაქებში არეულობის გამო, ქვეყნის პრემიერ-მინისტრმა გუშინ კიდევ ერთი საგანგებო თათბირი გამართა. კირ სტარმერის თქმით, არეულობის მონაწილეები კანონის სრული სიმკაცრით დაისჯებიან.