დიდი ბრიტანეთის პრემიერ-მინისტრი კირ სტარმერი მთავრობის საგანგებო სხდომას გამართავს, სადაც ქვეყანაში მიმდინარე არეულობა იქნება განხილული. ამის შესახებ ინფორმაციას BBC ავრცელებს.

ბრიტანული ტელეარხის ცნობით, დაუნინგ სთრითზე მთავრობის სხდომაში მონაწილეობას მიიღებენ აგრეთვე პოლიციისა და დაზვერვის წარმომადგენლები, რომლებიც პრემიერს მიმდინარე მოვლენების ანალიზს წარუდგენენ.

დიდი ბრიტანეთის მთავრობა სხდომაზე განიხილავს ზომებს, რომლის გატარებაც იგეგმება ქვეყნის ქუჩებში ძალადობის აღმოსაფხვრელად.