კამალა ჰარისის გუნდი არ დათანხმდა ტრამპის პირობებს დებატებთან დაკავშირებით. მათი წინადადებაა, რომ სატელევიზიო ტოქშოუ 10 სექტემბერს, ABC-ს ეთერში ჩატარდეს, როგორც ადრე ჯო ბაიდენის გუნდთან იყო შეთანხმებული.

 

"მისტერ "ნებისმიერ დროს და ნებისმიერ ადგილას" არ უნდა ჰქონდეს პრობლემა, თუ მას 10 რიცხვში გამოჩენის ძალიან არ ეშინია." - თქვა ჰარისის კამპანიის სპიკერმა მაიკლ ტაილერმა.

 

შეგახსენებთ, მანამდე შეერთებული შტატების ექს-პრეზიდენტმა დონალდ ტრამპმა განაცხადა, რომ დაეთანხმა ტელეარხ Fox News-ის შეთავაზებას ვიცე-პრეზიდენტ კამალა ჰარისთან დებატების გამართვაზე.

 

ტრამპის თქმით, ახალი დებატები პენსილვანიაში, 4 სექტემბერს უნდა გაიმართოს და მას ცოცხალი აუდიტორია ჰყავდეს. მოდერატორები კი, Fox News-ის წამყვანები უნდა იყვნენ.