აშშ-ის სენატში გამართული დახურული შეხვედრა, რომელზეც უკრაინის მხარდაჭერის საკითხი განიხილებოდა, ცხარე კამათში გადაიზარდა. ამის მიზეზი რამდენიმე ამერიკელი კანონმდებელის უკმაყოფილება იყო, რომ უკრაინის დახმარების პაკეტში არ მოხვდა საიმიგრაციო პოლიტიკის გამკაცრების საკითხი. შეხვედრის დეტალებზე ინფორმაციას „სიენენი“ ავრცელებს. 

ცნობისთვის, დემოკრატები და რესპუბლიკელები უკრაინისა და ისრაელისთვის მხარდაჭერის გაგრძელების შესახებ მოლაპარაკებებს მართავდნენ, რათა კომპრომისისთვის მიეღწიათ, თუმცა მოლაპარაკებები ჩაიშალა, რადგან რესპუბლიკელებს არ სურთ საზღვრის საკითხზე უკან დახევა.