,,უკრაინის ევროკავშირში გაწევრიანებასთან დაკავშირებით მოლაპარაკებების დაწყება დღეს არ ემთხვევა უნგრეთის ეროვნულ ინტერესებს. არ ღირს [უკრაინის ევროკავშირში გაწევრიანების შესახებ] მოლაპარაკებების დაწყება, რადგან ჩვენ ვერ ვუპასუხებთ კითხვას, რა შედეგები მოჰყვება უკრაინის წევრობას", - განაცხადა უნგრეთის პრემიერ-მინისტრმა, ვიქტორ ორბანმა, უნგრეთის სახელმწიფო რადიოსთან ინტერვიუში. 

ორბანის თქმით, ევროკავშირმა უკრაინას უნდა შესთავაზოს სტრატეგიული პარტნიორობა, ვიდრე გაწევრიანების შესახებ მოლაპარაკებები დაიწყება.