„უნგრეთი არ დაადებს ვეტოს უკრაინის ევროკავშირში გაწევრიანების შესახებ მოლაპარაკებების დაწყებას, მაგრამ დარწმუნებულია, რომ ამ საკითხზე პოზიტიური გადაწყვეტილება არ იქნება მიღებული, რადგან ორგანიზაციის შიგნით მასზე შეთანხმება არ არსებობს“, - ამის შესახებ უნგრეთის პრემიერ-მინისტრმა ვიქტორ ორბანმა, რადიოსადგურ Kossuth-ის დილის გადაცემაში საუბრისას განაცხადა.

„უნგრეთი ვეტოს არ დაადებს ევროკავშირის მოლაპარაკებებს უკრაინასთან, რადგან ეს უბრალოდ საჭირო არ იქნება,“ - განაცხადა მთავრობის მეთაურმა. 

მისივე თქმით, „ევროკომისიამ წამოაყენა წინადადება უკრაინის წევრობის თაობაზე მოლაპარაკებების დაწყების შესახებ, მაგრამ ეს ბევრი წევრი სახელმწიფოს ინტერესებს არ ემთხვევა“.