მოსკოვში პალესტინის პრეზიდენტის მაჰმუდ აბასის ვიზიტისთვის მზადება მიმდინარეობს, - ამის შესახებ პალესტინის ელჩმა აბდელჰაფიზ ნოფალმა ტელეკომპანია "რასია 24" - ის ეთერში განაცხადა.

"მოსკოვთან ყოველდღიურ კონტაქტებს ვინარჩუნებთ. მიმდინარეობს მზადება პრეზიდენტ აბასის მოსკოვში ვიზიტისთვის", - განაცხადა ელჩმა და უპასუხა კითხვას, შესაძლებელია თუ არა უახლოეს მომავალში პალესტინასა და რუსეთს შორის ოფიციალური კონტაქტები.

როგორც დიპლომატმა აღნიშნა, პალესტინური მხარე აფასებს მოსკოვის პოზიციას პალესტინურ-ისრაელის დასახლების საკითხებთან დაკავშირებით.