აშშ-ის უახლესი და ტექნოლოგიურად ყველაზე მოწინავე ავიამზიდი, USS Gerald R. Ford (CVN-78), დროებით ტოვებს აქტიურ ოპერაციულ ზონას და მიემართება კრეტა-ზე მდებარე სამხედრო ბაზაზე ტექნიკური შემოწმებისა და რემონტის ჩასატარებლად. 

გადაწყვეტილება მიღებულია გემზე ცოტა ხნის წინ მომხდარი ხანძრისა და დაგროვილი ტექნიკური პრობლემების გამო.

ინციდენტი 12 მარტს დაფიქსირდა, როდესაც გემის ერთ-ერთ შიდა, სამრეცხაო განყოფილებაში ცეცხლი გაჩნდა. 

ხანძარმა მნიშვნელოვნად დააზიანა საცხოვრებელი სივრცეები განადგურდა დაახლოებით 100 საწოლი, ხოლო ასობით მეზღვაურს დროებით შეეზღუდა საცხოვრებელი პირობები. 

ასევე, დაახლოებით 200-მდე ეკიპაჟის წევრმა მიიღო მსუბუქი დაზიანება კვამლის ინჰალაციის შედეგად. მიუხედავად ამისა, გემის მთავარ სისტემებს, მათ შორის ბირთვულ ენერგეტიკულ დანადგარს, ზიანი არ მიუღია და ავიამზიდი ოპერატიულ შესაძლებლობას ინარჩუნებს.