ადამიანების ზიზღით დამუხტვის მიზნის მქონე ამ პროპაგანდისტული ვიდეოს დამფინანსებელი ევროკავშირის საელჩოა, – ამის შესახებ პარლამენტის თავმჯდომარე შალვა პაპუაშვილი სოციალური ქსელით გავრცელებული ვიდეოს შესახებ წერს.

როგორც შალვა პაპუაშვილი აღნიშნავს, დღეს შეფასებისგან თავს შეიკავებს და ევროკავშირის საელჩოს პოზიციას დაელოდება.

„ხელისუფლება „მოღალატეა“, „რუსის სტავლენიკი“, „სიმსივნე“ – ადამიანების ზიზღით დამუხტვის მიზნის მქონე ამ პროპაგანდისტული ვიდეოს დამფინანსებელი ევროკავშირის საელჩოა. შეფასებისგან დღეს თავს შევიკავებ. ვნახოთ, რა რეაქცია ექნება ევროკავშირის საელჩოს მისი ფულით სიძულვილის გაღვივებაზე“, – წერს პაპუაშვილი.