რა ხდება ახლო აღმოსავლეთში და რა შეიძლება მოჰყვეს აშშ-ის „განკითხვის დღის თვითმფრინავის“ გამოჩენას?

 

სამშაბათს ღამით აშშ-ის საჰაერო ძალების ერთ-ერთი ყველაზე სიმბოლური და სტრატეგიული თვითმფრინავი E-4B „Nightwatch“, რომელსაც ხშირად „განკითხვის დღის თვითმფრინავად“ მოიხსენიებენ ჩაფრინდა ვაშინგტონის მახლობლად, ენდრიუსის ერთობლივ ბაზაზე. ეს მნიშვნელოვანი გადაადგილება დაემთხვა ახლო აღმოსავლეთში არსებული მწვავე დაძაბულობის პერიოდს, განსაკუთრებით აშშ-ისა და ირანის ურთიერთობების კონტექსტში, და შესაბამისად, გამოიწვია სპეკულაციები შესაძლო სამხედრო ესკალაციის შესახებ.

 

E-4B „Nightwatch“ ეს არ არის რიგითი ავიახომალდი. ის წარმოადგენს მობილურ, ბირთვულ ომგამძლე სარდლობისა და საკომუნიკაციო ცენტრს, რომელიც შექმნილია იმ შემთხვევებისთვის, როდესაც სახმელეთო სარდლობა განადგურებულია. მისი ფუნქციაა უზრუნველყოს აშშ-ის პრეზიდენტის, თავდაცვის მდივნისა და გაერთიანებული შტაბების უფროსების უნარიანი ხელმძღვანელობა უკიდურეს კრიზისში. როგორც ამერიკის საჰაერო ძალები განმარტავენ, თვითმფრინავი უზრუნველყოფს „მაღალი გადარჩენის სარდლობის, კონტროლისა და კომუნიკაციების ცენტრს“, რომელიც შესაძლებელს ხდის აშშ-ის ძალების მართვასა და ბრძანებების შესრულებას გლობალური მასშტაბით.

 

ამის ფონზე, დონალდ ტრამპის ადმინისტრაცია, გავრცელებული ცნობებით, უახლოვდება გადაწყვეტილებას ირანის ბირთვულ ობიექტებზე დარტყმებთან დაკავშირებით.

 

თეთრმა სახლმა კომენტარი არ გააკეთა E-4B-ის უახლესი გადაადგილების შესახებ, თუმცა სოციალურ მედიაში თავდაცვითი თემებით დაინტერესებული წრეები განიხილავენ ამ ნაბიჯს, როგორც აშშ-ის მხრიდან შესაძლო შეტევისთვის მზადყოფნის ან სიგნალის გამოხატულებას.