ისრაელის პრემიერ-მინისტრმა ბენიამინ ნეთანიაჰუმ ვიდეომიმართვაში განაცხადა, რომ ისრაელის საჰაერო ძალების თვითმფრინავები მალე თეირანის ცაში გამოჩნდება.

 

„ძალიან მალე თქვენ იხილავთ ისრაელის საჰაერო ძალების თვითმფრინავებს თეირანის ცაში. ჩვენ აიათოლას რეჟიმის ყველა ობიექტსა და სამიზნეს დავუპირისპირდებით“, - თქვა მან.

 

პრემიერ-მინისტრმა დასძინა, რომ აქამდე განხორციელებული დარტყმები „არაფერია იმასთან შედარებით, რაც მომდევნო დღეებში მოხდება“.

 

ნეთანიაჰუმ ასევე განაცხადა, რომ ირანის ბირთვულმა ობიექტებმა ბოლო ორი დღის განმავლობაში „სერიოზული ზიანი“ განიცადა.

 

„ჩვენ ასევე დავუპირისპირდით წამყვანი მეცნიერების გუნდს, რომლებიც ამ პროექტებს ახორციელებენ“, - თქვა მან და აღნიშნა, რომ დარტყმებმა ირანის ბირთვული პროგრამა რამდენიმე წლით შეაფერხა.

 

„ასევე არსებობს სერიოზული საფრთხე ბალისტიკური რაკეტებისგან“, - დასძინა მან და ამ რაკეტებს კიდევ ერთ მეთოდად უწოდა, რომლის გამოყენებასაც ირანი ისრაელის განადგურებისთვის აპირებს.

 

მან ხაზგასმით აღნიშნა, რომ ისრაელი ანადგურებს მათ შესაძლებლობას, შექმნან ასეთი იარაღი.