აშშ ერაყში არსებული საელჩოს ევაკუაციისთვის ემზადება რეგიონში უსაფრთხოების რისკების გამწვავების გამო. ინფორმაციას ამის შესახებ სააგენტო Reuters-ი წყაროებზე დაყრდნობით ავრცელებს.

 

წყაროებს არ დაუკონკრეტებიათ, უსაფრთხოების კონკრეტულად რა რისკებმა განაპირობა ევაკუაციის გადაწყვეტილება.

 

დონალდ ტრამპი არაერთხელ იმუქრებოდა ირანზე თავდასხმით, თუკი მისი ბირთვული პროგრამის ირგვლივ გაჭიანურებული მოლაპარაკებები ჩაიშლება.

 

„განზრახვაა, ეს [ევაკუაცია] განხორციელდეს კომერციული საშუალებებით, თუმცა აშშ-ის სამხედროები მზადყოფნაში არიან, თუკი დახმარება იქნება მოთხოვნილი“, - განაცხადა აშშ-ის ოფიციალურმა პირმა.