თეთრი სახლის ლიდერმა, დონალდ ტრამპმა აღიარა, რომ ჩინურ საქონელზე ტარიფების შემცირება მოუწევს. ტრამპის განცხადებას CNN-ი ციტირებს.

 

როგორც მედიასაშუალება წერს, ტრამპის კომენტარები მიანიშნებს იმაზე, რომ მან რიტორიკა შეარბილა. 

 

„145% ეს საკმაოდ მაღალი მაჩვენებელია და ასე არ დარჩება. ტარიფები საგრძნობლად შემცირდება“, - განაცხადა ტრამპმა თეთრ სახლში გამართულ ბრიფინგზე. 

 

ინფორმაციისთვის, დონალდ ტრამპმა ჩინეთისთვის იმპორტის ტარიფები 145%-მდე გაზარდა. 

 

აშშ-ის პრეზიდენტმა ჩინეთის გარდა სხვა ქვეყნებისთვის ტარიფების ამოქმედება 90 დღით შეაჩერა.