აშშ-ის პრეზიდენტი დონალდ ტრამპი იმუქრება, რომ შესაძლოა, კანადას ამერიკული რძისა და ხე-ტყის ექსპორტზე ტარიფების საპასუხოდ ახალი ტარიფები დღესვე დაუწესოს.

 

მისი თქმით, თუ კანადა არ გააუქმებს ტარიფებს ამერიკულ საქონელზე, შეერთებულმა შტატებმა შეიძლება საპასუხო ზომებს დღესვე მიმართოს.

 

აშშ-ის პრეზიდენტმა, ასევე, მიანიშნა, რომ ის მზად არის გააფართოოს ტარიფები სხვა სავაჭრო პარტნიორებთან მიმართებით, თუ ის არ დაინახავს ცვლილებებს სავაჭრო პოლიტიკაში.

 

„ძალიან უსამართლო იყო ჩვენს ქვეყანასთან მიმართებით ეკონომიკური თვალსაზრისით, ფინანსური და სავაჭრო თვალსაზრისით. ჩვენ აბსოლუტურად გაგვძარცვა მსოფლიოს თითქმის ყველა ქვეყანამ“, - აცხადებს აშშ-ის პრეზიდენტი.