რომის პაპი ფრანცისკე, რომელსაც ორმაგი პნევმონია აქვს, კრიტიკულ მდგომარეობაშია, თუმცა გონზეა.

 წმინდა საყდრის პრესსამსახურის განცხადებაში ნათქვამია, რომ 88 წლის პონტიფიკოსს თირკმლის უკმარისობა აღენიშნება.

 "პაპის მდგომარეობა კვლავ კრიტიკულია, თუმცა მას არ განუმეორებია რესპირატორული კრიზისი [როგორც წინა დღეს]. სისხლის ზოგიერთი ანალიზი აჩვენებს თირკმელების მსუბუქ უკმარისობას, რომელიც ამჟამად კონტროლდება. ჟანგბადის მაღალი ნაკადის თერაპია ცხვირის მილებით გრძელდება", - ნათქვამია განცხადებაში.