უკრაინის ლიდერის თქმით, უკრაინაში საპრეზიდენტო არჩევნების საკითხს სწორედ რუსული მხარე აყენებს. „ჩვენი მოსახლეობა ომის დროს არჩევნების წინააღმდეგია, რადგან ყველას ესმის, რა მოხდება“, - განაცხადა ზელენსკიმ.

 

 ”თუ ჩვენ შევაჩერებთ საომარ მდგომარეობას, ჩვენ დავკარგავთ ჯარს”, - განმარტა მან და დასძინა, რომ სამხედროები ფრონტიდან სახლში დაბრუნდებიან, ”და ექნებათ ამის სრული უფლება”. ამავდროულად, რუსეთი "ამას აუცილებლად გამოიყენებს კონტრშეტევისთვის", - ხაზგასმით აღნიშნა უკრაინის პრეზიდენტმა.

 

 თებერვლის დასაწყისში აშშ-ის ადმინისტრაციის სპეციალურმა წარმომადგენელმა უკრაინასა და რუსეთში, კიტ კელოგმა განაცხადა, რომ ვაშინგტონს სურს არჩევნების ჩატარება უკრაინაში 2025 წლის ბოლომდე, განსაკუთრებით იმ შემთხვევაში, თუ რუსეთთან ცეცხლის შეწყვეტა მოხდება უახლოეს თვეებში. ”ეს კარგია დემოკრატიისთვის”, - თქვა კელოგმა.

 

 ეუთოს ყოფილი გენერალური მდივანი თომას გრემინგერი თვლის, რომ ომის დასრულებისთანავე ჩატარებულ არჩევნებს შეიძლება „ჰქონდეს დესტაბილიზაციის ეფექტი და ხელი შეუწყოს კონფლიქტებს“. მისი თქმით, საშიშროება არის ის, რომ „საბოლოოდ, არჩევნებმა შეიძლება სისტემა არ დაასტაბილუროს, მაგრამ პირიქით“.