• მუნჯი ეგედემ საახალწლო გამოსვლაში ხაზგასმით აღნიშნა გრენლანდიის სურვილი, გააძლიეროს კავშირები სხვა ქვეყნებთან და თავად განსაზღვროს მომავალი. მან დასძინა, რომ დანიასთან თანამშრომლობა არ უზრუნველყოფს სრულ თანასწორობას:

„დროა მოვიხსნათ ის დაბრკოლებები, რომლებსაც შეიძლება ვუწოდოთ კოლონიალიზმის ბორკილები და წინ წავიწიოთ“, - განაცხადა ეგედემ.

დამოუკიდებლობის შესახებ გადაწყვეტილება, მისი თქმით, გრენლანდიის მოსახლეობამ უნდა მიიღოს. 

შეგახსენებთ, რომ მანამდე, დონალდ ტრამპმა თქვა, რომ შეერთებულმა შტატებმა გრენლანდია უნდა „იყიდოს“. მაშინ ეგედემ კატეგორიულად უპასუხა: „კუნძული არ იყიდება“.