ამერიკული გამოცემა Newsweek-ი III მსოფლიო ომის შესაძლო ფრონტის რუკას აქვეყნებს.

 

Newsweek-ის თანახმად, შესაძლოა აქტიური საომარი მოქმედებები შავ ზღვასა და აზოვის ზღვაშიც დაიწყოს.

 

„ეჭვგარეშეა, რომ პუტინი გააგრძელებს თავისი ინტერესების აგრესიულად განხორციელებას ევროპაში და, კერძოდ, აღმოსავლეთ ევროპაში“, - განუცხადა Newsweek-ს ჩრდილოეთის ცენტრალური კოლეჯის პოლიტოლოგიის პროფესორმა უილიამ მუკმა.

 

„ბოლო 25 წლის განმავლობაში პუტინისთვის თუკი რამ არის მამოძრავებელი ფაქტორი, ეს ნატოს გაფართოებაა. ის შეეცდება გამოიყენოს ნებისმიერი ბზარი რეგიონში რუსეთის გავლენის გასაძლიერებლად“, - განაცხადა მუკმა.

 

„Newsweek-ის რუკაზე ასევე ნაჩვენებია შესაძლო გართულებები ნატო-ს წევრი თურქეთისთვის. თურქეთი სამხრეთ კავკასიის რესპუბლიკას ესაზღვრება, რომელსაც 2008 წელს რუსეთთან ხანმოკლე ომი ჰქონდა. ომმა აფხაზეთის სეპარატისტული რეგიონის დამოუკიდებლობის გამოცხადება გამოიწვია", - აღნიშნავს გამოცემა.

 

„თუ ქაოსისა და განხეთქილებისკენ მიმართული რუსეთის ძალისხმევის მიუხედავად ნატო-ს ალიანსი ერთიანობის შენარჩუნებას შეძლებს, ეს მკვეთრად შეამცირებს პუტინის შანსებს, განავრცოს ომი უკრაინის საზღვრებს გარეთ“, - განაცხადა მუკმა.