„მე ხელს მოვაწერ კანონს, რომელიც არასრულწლოვანებში სქესის შეცვლის ოპერაციას აკრძალავს ყველა 50 შტატში. ეს აღარ განმეორდება. და ჩვენ კვლავ ერთმანეთს სიამაყით ვეტყვით „გილოცავთ შობას“, - თქვა ტრამპმა და აღნიშნა, რომ პრეზიდენტად არჩევის შემთხვევაში, ის აგრეთვე სკოლებში „კრიტიკული რასის თეორიას“ და „ტრანსგენდერობის სიგიჟეს“ აკრძალავს.

მისივე თქმით, იგი „ტოქსიკურ გენდერულ იდეოლოგიას“ დაუპირისპირდება, რადგან ღმერთმა მხოლოდ ორი სქესი - მამაკაცი და ქალი შექმნა.