ირანმა ოფიციალურად შეიტანა საჩივარი ატომური ენერგიის საერთაშორისო სააგენტოში (IAEA) და გაერო-ს უშიშროების საბჭოში, ისრაელის მხრიდან ირანის ბირთვული ობიექტების მიმართ მუქარის შესახებ. ამის შესახებ ისლამური რესპუბლიკის საგარეო საქმეთა სამინისტროს ოფიციალურმა წარმომადგენელმა, ესმაილ ბაგაიმ პრესკონფერენციაზე განაცხადა. ინფორმაციას სააგენტო ТАСС-ი ავრცელებს.

„ირანი ამ მუქარებს განიხილავს, როგორც საფრთხეებს საერთაშორისო საზოგადოების უსაფრთხოებისთვის და ამასთან დაკავშირებით, წერილობითი პროტესტი გაუგზავნა ატომური ენერგიის საერთაშორისო სააგენტოს და გაერო-ს უშიშროების საბჭოს“, - ასე უპასუხა ბაგაიმ კითხვას, თუ რა პასუხი ექნება თეირანს ისრაელის მუქარებზე.

ირანის საგარეო საქმეთა სამინისტროს წარმომადგენლის თქმით, ირანის ბირთვულ ობიექტებზე დარტყმის მუქარები მიუღებელია და ეწინააღმდეგება საერთაშორისო კანონმდებლობას.