როგორც მილიარდერი განმარტავს, ის თითო გამარჯვებულს, ლატარიის პრინციპით, ხელმომწერთა სიიდან ყოველდღიურად აარჩევს. საუბარია კონსტიტუციის მხარდამჭერ პეტიციაზე, კერძოდ, სიტყვის თავისუფლებისა და იარაღის ტარების წახალისებაზე, რომელიც დონალდ ტრამპის მხარდასაჭერად მასკის მიერ დაფუძნებულმა AmericaPAC-მა წარადგინა.

პირველი მილიონიანი ჩეკი მასკმა პენსილვანიის შტატში მცხოვრებ პირს უკვე გადასცა. კამპანიაში მონაწილეობის მიღება შეუძლიათ მხოლოდ პენსილვანიის, ჯორჯიის, ნევადის, არიზონის, მიჩიგანის, უისკონსინისა და ჩრდილოეთ კაროლინის შტატებში რეგისტრირებულ ამომრჩევლებს, რადგან აღნიშნული შტატები მოიაზრება საპრეზიდენტო არჩევნებში საკვანძო, გადამწყვეტი მნიშვნელობის მქონე შტატებად.