დარჩება თუ არა ფონ დერ ლაიენი ევროკომისიის სათავეში? და

რა არის მისი პრიორიტეტები 

 

 გერმანელი კონსერვატორი პოლიტიკოსი და გერმანიის თავდაცვის ყოფილი მინისტრი ურსულა ფონ დერ ლაიენი, როგორც ჩანს, ევროკომისიის პრეზიდენტად 2029 წლამდე რჩება. ის არის მემარჯვენე ცენტრის მთავარი კანდიდატი 2024 წლის ივნისში გასამართ ევროპარლამენტის არჩევნებში. რას უნდა ველოდოთ ფონ დერ ლაიენისგან, თუკი იგი ევროკომისიის სათავეში კიდევ ხუთი წელი დარჩება?

 

უკრაინის ევროინტეგრაცია რუსეთთან ურთიერთობების გაუმჯობესების გარეშე.

 

 ბერტელსმანის ფონდის აღმოსავლეთ ევროპის ექსპერტი მირიამ კოსმელი მოელის, რომ ურსულა ფონ დერ ლაიენი გააგრძელებს „ევროკავშირის გაფართოების თემის პოპულარიზაციას“ და ეს ეხება არა მხოლოდ უკრაინას, არამედ მოლდოვას და დასავლეთ ბალკანეთის ქვეყნებს. „ევროკავშირის გაფართოების თემა ასევე ითამაშებს გადამწყვეტ როლს მისი გრძელვადიანი ფინანსური ჩარჩოს ჩამოყალიბებაში“, - აღნიშნავს კოსმელი DW-თან ინტერვიუში.

 კონკრეტულად კიევისთვის ეს ნიშნავს „ევროკავშირის უკრაინის გეგმის“ შესაბამისად მუშაობის გაგრძელებას ფინანსური მხარდაჭერის საფუძველზე, კერძოდ, უკრაინის რეკონსტრუქციისთვის განკუთვნილი მაკროფინანსური დახმარების 50 მილიარდი ევროს ოდენობით.

 

ჩინეთის მიმართ ევროკავშირის პოზიციის გამკაცრებას.

 

 ევროკავშირი ჩინეთს აღიქვამს, როგორც „სისტემურ კონკურენტს“, ხოლო ფონ დერ ლაიენი ამ მხრივ „რისკების შემცირებას“ ემხრობა. პრაქტიკაში, ეს ნიშნავს ძირითადი საქონლისა და ნედლეულის ალტერნატიული მიმწოდებლების მოძიებას, როგორიცაა მიკროჩიპები, ასევე ახალი ინსტრუმენტების შექმნას ევროპული ვაჭრობის დასაცავად, როგორიცაა ანტი-ეკონომიკური ჩახშობის კანონმდებლობა.

 

აფრიკის, როგორც კრიტიკულად მნიშვნელოვანი რეგიონისადმი დამოკიდებულება არ შეიცვლება.

 

 ევროკავშირს მნიშვნელოვანი ინტერესები გააჩნია აფრიკაში, განსაკუთრებით ცდილობს შეაჩეროს მიგრანტების ნაკადი აფრიკიდან, რაც ნიშნავას, რომ ის გაიღებს უფრო მეტად ძალისხმევას განვითარებადი ქვეყნების მხარდასაჭერად გაუმკლავდნენ მიგრანტთა ნაკადს.

 

 ამავდროულად, ევროკავშირი დაინტერესებულია ისარგებლოს აფრიკის, როგორც „ახალგაზრდა დემოგრაფიული პროფილის“ მქონე კონტინენტის მიერ შემოთავაზებული ეკონომიკური შესაძლებლობებით. DW-ს მიერ გამოკითხული ექსპერტები დარწმუნებულნი არიან, რომ არა მხოლოდ ფონ დერ ლეიენი, არამედ ევროკომისიის ნებისმიერი ხელმძღვანელი მხარს დაუჭერს წინა კურსს აფრისკის მიმართ.

 

ახლო აღმოსავლეთი: უთანხმოება ფონ დერ ლაიენსა და ბორელს შორის.

 

ფონ დერ ლაიენს ხშირად აკრიტიკებდნენ ისრაელისადმი მისი აშკარა მხარდაჭერის გამო. ამასთან, ევროპული დიპლომატიის ხელმძღვანელი ჟოზე ბორელი უფრო თავშეკავებულ პოზიციას იკავებს. „ევროკავშირის წევრი ქვეყნებისა და ინსტიტუტების არაკოორდინირებულმა ქმედებებმა მნიშვნელოვანი ზიანი მიაყენა ევროკავშირის იმჯის ახლო აღმოსავლეთში“, - განუცხადა DW-ს ევროპული პოლიტიკის კვლევების ცენტრის ანალიტიკოსმა ჯეიმს მორანმა. „ევროკავშირმა დაკარგა მრავალი მეგობარი მთელს მსოფლიოში, განსაკუთრებით არაბულ სამყაროში. , არამედ ისეთ მნიშვნელოვან ქვეყნებში, როგორიცაა ინდონეზია და მალაიზია“.

 

 ექსპერტის თქმით, „ბორელმა ბევრი იშრომა ამ ზიანის განეიტრალებისთვის და გარკვეულ წარმატებასაც მიაღწია“. რაც შეეხება ფონ დერ ლაიენს, მორანმა იმედი გამოთქვა, რომ "გაკვეთილებით ისწავლის".

 

ლათინური ამერიკა: სავაჭრო დავალება 

 

 ექსპერტები მიიჩნევენ, რომ ფონ დერ ლაიენის მეორე ვადის დანიშვნის შემთხვევაში, ლათინურ ამერიკასთან ურთიერთობების დღის წესრიგის მთავარი პუნქტი იქნება ევროკავშირსა და ასოციაციას Mercosur-ს შორის თავისუფალი ვაჭრობის შეთანხმება, რომელიც მოიცავს არგენტინას, ბრაზილიას, პარაგვაის და ურუგვაის.

 

 საქმე ის არის, რომ საფრანგეთი და ირლანდია ეწინააღმდეგებიან ევროკავშირის ბაზრების გახსნას სოფლის მეურნეობის იმპორტისთვის დამატებითი გარემოსდაცვითი კრიტერიუმების დანერგვის გარეშე არგენტინის, ბრაზილიის, პარაგვაის და ურუგვაის მიერ. თავის მხრივ, ეს ქვეყნები ევროკავშირის „მწვანე პროტექციონიზმს“ აპროტესტებენ. ამიტომ, ევროკავშირში ფერმერების პროტესტის გამო, მერკოსურის ქვეყნებთან შეთანხმების გაფორმება შეიძლება არ იყოს ადვილი საქმე მომდევნო 5 წლის განმავლობაში, შიშობენ ექსპერტები.