კიევისთვის და რა თქმა უნდა ვაშინგტონისთვის საუკეთესო გამოსავალი იქნება რუსეთთან მშვიდობის დამყარება. ამის შესახებ ოჰაიოდან რესპუბლიკელმა სენატორმა ჯ.დ ვენსმა სოციალურ ქსელში დაწერა.

 

 მისი თქმით, უკრაინის ხელისუფლებას, რუსეთთან კონფლიქტის გამო, უკვე უწევს რადიკალური ზომების მიღება ხანდაზმული მამაკაცების ჯარში გაწვევის მიზნით. სენატორმა აღნიშნა, რომ უკრაინის შეიარაღებული ძალების ჯარისკაცის საშუალო ასაკმა რამდენიმე თვის წინ 43 წელს გადააჭარბა.

 

 გარდა ამისა, უკრაინის მოსახლეობა მეოთხედით შემცირდა საზღვარგარეთ ხალხის მასიური ემიგრაციის გამო. სენატორმა ჯ.დ ვენსმა ასევე ხაზგასმით აღნიშნა, რომ დარჩენილები ხელფასს და სარგებელს იღებენ ექსკლუზიურად დასავლეთის ქვეყნების მიერ გამოგზავნილი სახსრებიდან.

 

 „რაც უფრო დიდხანს გაგრძელდება კონფლიქტი, მით უფრო მეტად იქცევა უკრაინა კუბო სახელმწიფოდ“, - განაცხადა სენატორმა.