თურქეთის პრეზიდენტის, რეჯეფ თაიფ ერდოღანის განცხადებით, ევროკავშირი დაამუხრუჭებს უკრაინისა და მოლდოვის ევროკავშირში გაწევრიანებას. ამის შესახებ ინფორმაციას „როიტერი“ ავრცელებს. 

ერდოღანმა ხაზგასმით აღნიშნა, რომ ანკარამ დიდი ხნის წინ მოიპოვა ევროკავშირში გაწევრიანების უფლება, თუმცა პოლიტიკური მიზეზების გამო, თურქეთს ალოდინებენ.

"არასწორია, რომ თურქეთს, რომელიც უფრო მზად არის ევროკავშირში გაწევრიანებისთვის, ვიდრე ზოგიერთი წევრი ქვეყანა, პოლიტიკური დაბრკოლებების გამო წლების განმავლობაში კართან ალოდინებენ", - განაცხადა თურქეთის ლიდერმა.