აშშ-ს ფინეთის 15 სამხედრო ობიექტთან წვდომა ექნება. ამის შესახებ ნათქვამია ვაშინგტონსა და ჰელსინკის მიერ გაფორმებულ შეთანხმებაში, რომელიც თავდაცვის სფეროში თანამშრომლობას ეხება. 

დოკუმენტის მიხედვით, აშშ-ს წვდომა ექნება ყაზარმებზე, პოლიგონებსა და საწყობებზე. შეთანხმება ძალაში მას შემდეგ შევა, რაც მას ფინეთის პარლამენტი დაამტკიცებს.

ცნობისთვის, მანამდე ვლადიმერ პუტინმა განაცხადა, რომ ფინეთის NATO-ში გაწევრიანების შემდეგ, რუსეთი აღადგენს ლენინგრადის სამხედრო ოლქს და მოახდენს სამხედრო შენაერთების გარკვეული რაოდენობის კონცენტრაციას.