კათოლიკური ეკლესიის სამღვდელოებას ერთსქესიანი წყვილების დალოცვის უფლება მიეცა

რომის პაპი ფრანცისკე მეორე

 

13 წუთის წინ

უცხოეთი

 

კათოლიკური ეკლესიის სამღვდელოებას ჰომოსექსუალური წყვილების დალოცვის უფლება მიეცა. გადაწყვეტილება ვატიკანის რწმენის და მორალის სიწმინდის უწყებამ მიიღო, რომელსაც ამის ნებართვა რომის პაპმა ფრანცისკემ მისცა. ინფორმაციას „ეხო კავკაზა“ ავრცელებს.

 

ამასთანავე, როგორც კარდინალმა ვიქტორ ფერნანდესმა განაცხადა, ეს გადაწყვეტილება ერთსქესიანთა ქორწინებების დაკანონებას არ ნიშნავს, ეს არის ადამიანების დალოცვა, რომლებსაც ერთმანეთი უყვართ. რაც შეეხება ქორწინებას, ის მხოლოდ კაცს და ქალს შორის შეიძლება იყოს. ეკლესიის დოქტრინის მიხედვით, სექსი დაშვებულია მხოლოდ ქორწინებაში კაცს და ქალს შორის და ეს არ შეცვლილა. ეკლესიაში ჯვრისწერა მხოლოდ ჰეტეროსექსუალურ წყვილებს შეუძლიათ. შესაბამისად, სასულიერო პირებმა, რომლებიც ერთსქესიან წყვილებს დალოცავენ, უნდა მიაქციონ ყურადღება, რომ ეს არ გამოიყურებოდეს, როგორც ქორწინება.