ევროკავშირი განიხილავს უკრაინის გადაუდებელი დაფინანსების შესაძლებლობას უნგრეთის პოზიციის გამო ზოგადი ბიუჯეტის გვერდის ავლით, იუწყება Financial Times.

კიევი კი ამით არ არის კმაყოფილი. ვიცე-პრემიერმა ოლგა სტეფანიშინამ თქვა, რომ თუ ევროკავშირი, იმის ნაცვლად, რომ უკრაინას 50 მილიარდი ევრო გამოუყოს, მიიღებს რაიმე ალტერნატიულ გადაწყვეტილებას, ეს ქვეყანას „გადარჩენის ზღვარზე დააყენებს ნულოვანი [ფინანსური] პროგნოზირებადობით მთელი წლის განმავლობაში“.

 ევროკავშირის შეუთანხმებლობა მხარდაჭერის პაკეტზე და უკრაინის გაწევრიანებაზე მოლაპარაკებების დაწყებას კიევი განიხილავს, როგორც „მთელი ევროკავშირის წარუმატებლობას“, თქვა სტეფანიშინამ.