აშშ-ის წარმომადგენელთა პალატაში, შესაძლოა, ოთხშაბათს აშშ-ის პრეზიდენტ ჯო ბაიდენის იმპიჩმენტის პროცედურის ფორმალურ დაწყებას უყარონ კენჭი. ინფორმაციას „როიტერი“ ავრცელებს.

წარმომადგენელთა პალატის რესპუბლიკელი კონგრესმენები დემოკრატ პრეზიდენტს და მის ოჯახს ადანაშაულებენ პოლიტიკური გადაწყვეტილებებიდან არამართლზომიერი შემოსავლის მიღებაში, რომლებშიც ბაიდენი, როგორც ვიცე-პრეზიდენტი, ობამას ადმინისტრაციის დროს მონაწილეობდა. ასევე ედავებიან იუსტიციის დეპარტამენტს ბაიდენის შვილის, ჰანთერ ბაიდენის საქმის გამოძიებაში ჩარევაში.