„შეგვიძლია ვიხტუნაოთ, შეგვიძლია ვიცეკვოთ, თუ იმასთან ერთად, რაც უკვე გავაკეთეთ, ამასაც მოგვთხოვენ. მაგრამ, ვფიქრობ, თამაში სამართლიანად უნდა ვითამაშოთ. უკრაინამ თვეების განმავლობაში გააკეთა ის, რასაც მისგან ელოდებოდნენ“, - განაცხადა უკრაინის საგარეო საქმეთა მინისტრმა, ბრიუსელში მყოფმა დიმიტრი კულებამ, ჟურნალისტებთან. კულებას თქმით, კიევში არ ესმით რატომ კეთდება უნგრეთის მხრიდან მკაცრი განცხადებები უკრაინის ევროინტეგრაციასთან დაკავშირებით.