„ჩვენ უნდა ვიპოვოთ დიპლომატიური გადაწყვეტა.

 

სამწუხაროდ, ამ ომისთვის უზარმაზარი ფასი გადავიხადეთ: ჩვენი პატრიოტების, ჩვენი ჯარისკაცების, ჩვენი მოქალაქეების სიცოცხლე. ასობით ქალაქი განადგურდა. უკრაინის დიდი ნაწილი რუსეთის მიერ არის ოკუპირებული”,- განუცხადა კლიჩკომ კიევში გაზეთ „Bild“-ს.

 

კლიჩკომ, ასევე, განაცხადა, რომ ტერიტორიის გაყოფის შესახებ რუსეთის მოთხოვნებზე საუბარი ჯერ კიდევ „ძალიან ადრეა“ - თუმცა, მან ტერიტორიების დათმობა ცალსახად არ გამორიცხა. 

 

როგორც კლიჩკომ აღნიშნა, ეს კითხვა უკრაინის პრეზიდენტ ვოლოდიმირ ზელენსკის უნდა დაუსვან. 

 

სტატიაში აღნიშნულია, რომ ორი ქვეყნის ლიდერი მოლაპარაკებებს გამართავს ომის შესაძლო მშვიდობიან გადაწყვეტაზე, რომელიც თითქმის სამ წელიწად-ნახევარია მიმდინარეობს. უკრაინის პრეზიდენტი ზელენსკი, რომელიც სამიტზე არ არის მიწვეული, კატეგორიულად ეწინააღმდეგება რუსეთისთვის ტერიტორიების დათმობას და მოითხოვს უკრაინის მომავალთან დაკავშირებულ მოლაპარაკებებში ჩართვას.

 

ცნობისთვის, აშშ-ისა და რუსეთის პრეზიდენტების პირისპირ შეხვედრა პარასკევს, 15 აგვისტოს ალასკის შტატში გაიმართება.