ანაკლიაში სამუშაოებს საქართველოს სახელმწიფოს კონტრაქტორი - საერთაშორისო ტენდერში გამარჯვებული მსხვილი ბელგიური კომპანია Jan De Nul N.V. (იან დე ნულ ენ ვი) ახორციელებს, რომელიც მსოფლიოში ერთ-ერთი მსხვილი საზღვაო ინფრასტრუქტურის მშენებელი კომპანიაა. 

ანაკლიაში, სამშენებლო ტერიტორიაზე უკვე ფუნქციონირებს ბეტონის ქარხანა, ასევე რეციკლირების დანადგარი. უშუალოდ ბეტონის საწარმოს წარმადობა კვირაში 3 კუბური მეტრი მოცულობის 240 ერთეული, დღეში კი 40 ერთეული ბეტონის „იქს ბლოკია". ისინი საწყობდება სპეციალურ სივრცეში. 

ანაკლიის ღრმაწყლოვანი ნავსადგურის პირველი ფაზის გამტარუნარიანობა 600 ათასი კონტეინერია წელიწადში, ხოლო საორიენტაციო ღირებულება – 600 მლნ აშშ დოლარი.