" უნგრეთმა უკრაინიდან ლტოლვილები მიიღო, ომის დაწყებიდან უკრაინიდან ჩვენი საზღვარი 14 მილიონზე მეტმა უკრაინელმა გადაკვეთა. ჩვენს ქვეყანაში სამ უკრაინულ სკოლას ვმართავთ, დაჭრილ ჯარისკაცებსა და ბავშვებს ვუვლით, უნგრეთში, ბანაკებში, ათი ათასზე მეტ უკრაინელ ბავშვს ვუმასპინძლეთ, სამედიცინო პერსონალი მოვამზადეთ, უკრაინაში სკოლები და საბავშვო ბაღები აღვადგინეთ და გასულ წელს უკრაინის უდიდესი ელექტროენერგიის მიმწოდებელი ვიყავით. აქამდე უკრაინელებისთვის ჰუმანიტარულ დახმარებაზე სულ 200 მილიონი ევრო დავხარჯეთ. სამწუხაროა, თუ ეს პრეზიდენტ ზელენსკისთვის არაფერს ნიშნავს.

 

ასევე, პრეზიდენტს მოვუწოდებ გაამახვილოს ყურადღება იმ ფაქტზე, რომ ევროკავშირისგან უკრაინისთვის მიღებული მხარდაჭერა უნგრეთის ფულსაც მოიცავს. ჩვენ ამით უკმაყოფილოები ვართ, მაგრამ ეს მაინც ფაქტია.

 

უნდა უარვყო ის მოსაზრება, რომ უნგრეთს უკრაინისთვის რამე ვალი აქვს. უკრაინა არავისგან და არაფრისგან არ იცავს უნგრეთს. ჩვენ ასეთი რამ არ გვითხოვია. უნგრეთის უსაფრთხოება გარანტირებულია ჩვენი ეროვნული თავდაცვის შესაძლებლობებით და NATO-თი, რომლის წევრიც უკრაინა (საბედნიეროდ) არ არის.

 

და ბოლოს, მინდა შევახსენო პრეზიდენტს, რომ ქვეყნის ევროკავშირში გაწევრიანების შესახებ გადაწყვეტილებას წევრი სახელმწიფოები ერთხმად იღებენ. ეს ნიშნავს, რომ ყველა წევრ სახელმწიფოს აქვს სუვერენული უფლება, მხარი დაუჭიროს ან წინააღმდეგობა გაუწიოს ახალი წევრის მიღებას. უნგრეთი არ უჭერს მხარს და არც დაუჭერს უკრაინის ევროკავშირში გაწევრიანებას, რადგან ეს ევროპაში ომს გამოიწვევს და უნგრელების ფულს უკრაინაში გაიტანს. ჩვენ გვჯერა, რომ ევროკავშირმა უკრაინასთან სტრატეგიული პარტნიორობა უნდა დაამყაროს ევროკავშირის წევრობის გარეშე. ეს არის ჩვენი წინადადება. ჩვენ მომავალშიც ამ პოზიციას დავიცავთ, რადგან ამის ყველა უფლება გვაქვს." | წერს პუტინის მოკავშირე ორბანი პლატფორმა X-ზე.