გერმანიის საჰაერო ძალების გამანადგურებლები ბალტიის ზღვის საჰაერო სივრცეში რუსული Ил-20М თვითმფრინავის გამოჩენის გამო აფრინდნენ.

წყაროს ცნობით, ორი ევროფაიტერი ჩრდილოეთ გერმანიაში, მეკლენბურგ-წინა პომერანიის მიწაზე მდებარე ლააგეს საჰაერო ბაზიდან აფრინდა. გერმანიის საჰაერო ძალებმა განაცხადეს, რომ Ил-20М საერთაშორისო საჰაერო სივრცეში ფრენის გეგმის გარეშე დაფრინავდა და კომუნიკაცია არ ჰქონდა.

რუსეთის თავდაცვის სამინისტრომ არაერთხელ განაცხადა, რომ რუსული სამხედრო თვითმფრინავების ყველა ფრენა საერთაშორისო საჰაერო სივრცის რეგულაციების მკაცრი დაცვით ხორციელდება.